Mwanafunzi auawa kwa kipigo cha mwalimu

Picha haihusiani na tukio.

Mwanafunzi mmoja wa darasa la saba katika shule ya msingi ya Mikuyuni eneo la Kibwezi kaunti ya Makueni nchini Kenya kufariki dunia baada ya kupigwa na mwalimu wake.

Akidhibitisha kisa hicho, Kamanda Mkuu wa Polisi kata ndogo ya Kibwezi, Ben Chagulo amesema mwanafunzi huyo alikimbizwa katika hospitali ya AMREF lakini alifariki dunia kabla ya kuhudumiwa na madaktari.

Kulingana na ripoti ya maafisa wa polisi mwanafunzi huyo alifariki baada ya kuchapwa vibaya na mwalimu huyo, aidha Chagulo amesema tayari uchunguzi umeanza kufuatia kisa hicho na atatoa taarifa kamili.

Mwalimu huyo aliyetambulika kwa majina kama Stanley Kithyaka alikamatwa baada ya kutorokea mafichoni kwa saa chache na sasa anashikiliwa katika kituo cha polisi cha kibwezi.

Mwili wa marehemu umehifadhiwa katika chumba cha kuhifadhi wafu cha hospitali ya Makindu ukisubiri kufanyiwa upasuaji kubaini chanzo cha kifo chake