SIMBA WAPEWA MAPUMUZIKO BAADA YA KUREJEA NCHINI

Kocha Mkuu Patrick Aussems amewapa mapumziko ya siku moja wachezaji ili wapate nafasi ya kujumuika na familia zao katika sikukuu ya Eid hapo kesho. Mazoezi ya kujiandaa na mchezo ujao yataanza Jumanne Agosti 13, 2019.

Ikumbukwe kuwa Simba jana ilikua dimbani nchini Mozambique ikikipiga na Ud Songo katika mchezo wa awali wa mtowano wa michuano ya klabu bingwa Afrika, (CAF CHAMPIONS LEAGUE) ambapo katika mchezo huo timu zote zilitoshana nguvu kwa sale tasa.

Baada ya kumaliza mchezo huo kikosi kilikwea pipa na leo kipo Dar kwa ajili ya maandalizi ya mchezo wa ngao ya jamii dhidi ya Azam FC utakaochezwa Jumamosi.