UMOJA WA AFRIKA WAPENDEKEZA KUFANYIKA MKUTANO KUTATUA MGOGORO NCHINI LIBYA

UMOJA wa Afrika umependekeza kufanyika mkutano wa kimataifa Julai mwaka huu kwa ajili ya kuutafutia ufumbuzi mgogoro wa Libya na pia kuitisha uchaguzi Oktoba.


Katika taarifa yake, umoja huo umesema leo Februari 12 ,2019 mkutano huo utafanyika ili kutafuta maridhiano chini ya uratibu wake pamoja na Umoja wa Mataifa. Pia umeiomba Tume ya Umoja wa Afrika kushirikiana na Umoja wa Mataifa na Serikali ya Libya kwa ajili ya kupanga uchaguzi wa urais na bunge mnamo Oktoba mwaka huu.


Mwenyekiti wa sasa wa Umoja huo, Rais wa Misri Abdel Fattah al-Sisi amesisitiza kuwa matatizo ya Afrika yatatatuliwa na waaafrika wenyewe na kwamba Libya imekuwa chini ya tawala hasimu na makundi ya wanamgambo tangu kuuawa kwa Moammer Ghadaffi mwaka 2011.


Inaelezwa kuwa uhasama ni baina ya Serikali inayotambulika na jumuiya ya kimataifa pamoja na ile inayoungwa mkono na Jenerali Khalifa Haftar.




CHANZO: DW